മാങ്കോട് ശ്രീ മഹാവിഷ്ണു ക്ഷേത്രം

MANKODU SREE MAHAVISHNU TEMPLE,NEDUMANGAD , THIRUVANANTHAPURAM

അതിപുരാതനവും ചരിത്രപ്രസിദ്ധവും, നമ്മുടെ ആത്മീയ ഗുരുവായ ശങ്കരാനന്ദ ബ്രഹ്മാനന്ദ വിഭൂതി സ്വാമിയാരുടെ പാദസ്പർശത്താൽ പുണ്യവും, പവിത്രവും, നാടിന്റ ഐശ്വര്യത്തിനും അഭിവൃതിക്കും കാരണഭൂതനായി മാങ്കോട് ദേശത്ത് ഭഗവൻ ശ്രീ മഹാവിഷ്ണുവായും ശ്രീ പരമേശ്വരനായും വാണരുളുന്നു.

ഈ ക്ഷേത്രത്തിനു 1183 കൊല്ലം പഴക്കം ഉണ്ട്. കൊല്ലവര്ഷം 5- ആം ആണ്ടു ഉള്ളതാണ് ഈ ക്ഷേത്രം. എട്ടുവീട്ടിൽ പിളളമാരെ ഭയന്ന് മാർത്താണ്ടവർമ മഹാരാജാവ് ഒളിച്ചിരുന്ന സ്ഥലമാണിത്. ഇതിനു പ്രതിഭലമായി 1118 വരെ പൂവത്തൂർ മഠക്കാർ ആണ് ഈ നാട്ടിലെ കരം പിരിച്ചിരുന്നത്. പത്മനാഭ സ്വാമി ക്ഷേത്രവുമായി വളരെ ബന്ധം ഉണ്ട് മതിലകം സ്ഥാനീയർ പണ്ട് കൊട്ടാരത്തിൽ നിന്ന് വില്ല് വണ്ടിയിൽ അല്പശി ഉത്സവത്തിന്‌ ക്ഷണിക്കാൻ വരുമായിരുന്നു ക്ഷേത്രത്തിനു മുന്നിലുള്ള ആനകൊട്ടിലിനു ഒരു പ്രത്യേക ചരിത്രം കൂടി ഉണ്ട്. ക്ഷേത്രം പണി നടക്കുമ്പോൾ ഇവിടെ നിന്നും കൊട്ടാരത്തിൽ ചെന്ന് ആനയെ ചോദിച്ചു അപ്പോൾ മഹാരാജാവ് തമാശരൂപേണ പൂവത്തൂർ മഠത്തിന് ആന എന്തിനു ആൾബലമില്ലെ എന്ന് പറഞ്ഞു അതിനു പ്രതീകമായാണ് ആളെകൊണ്ട് ആനകൊട്ടിൽ കല്ലിൽ നിർത്തിയിരിക്കുന്നത് നെടുമങ്ങാട് കോയിക്കൽ കൊട്ടാരം പണിതപ്പോൾ ഉമയമ്മറാണി മല്ലന്മാരെ ഇവിടെ നിന്നും ആണ് കൊണ്ടുപൊയ്കൊണ്ടിരുന്നത് ഈ ക്ഷേത്രത്തിനു മഠത്തിൽ നിന്നും ഒരു തുരംഗം ഉണ്ട് ദേവഗന്ധർവന്മാരുടെയും അപ്സരസ്സുകളുടെയും മഹർഷീശ്വരന്മാരുടെയും നിത്യോപാസന മൂർത്യായിരുന്നു മാങ്കോട് മഹാവിഷ്ണു...

 ഈ ക്ഷേത്രം ജീർണാവസ്തയിലായിരുന്നു എന്ന് മനസിലാക്കിയ ഇന്നത്തെ തലമുറക്കാരായ ബ്രഹ്മശ്രീ. കൃഷ്ണാര് ഭദ്രദാസ് ശർമ, ബ്രഹ്മശ്രീ. ദേവീദാസ് ശർമ, ബ്രഹ്മശ്രീ. മധുസൂധനരു ഹരിലാൽ ഇവർ ചേർന്ന് 22-09-2007 ൽ ജ്യോതിഷ പണ്ഡിതന്മാരായ പാലക്കാടു ബ്രഹ്മശ്രീ നാരായണൻ നമ്പൂതിരിയുടെയും തിരുവനന്തപുരം കമലാസനൻ നായരുടെയും (റിട്ട .ജോയിന്റ് ഡയറക്ടർ ), ബ്രഹ്മശ്രീ കൃഷ്ണൻ നമ്പൂതിരിയുടെയും നേതൃത്വത്തിൽ അഷ്ടമംഗള ദേവപ്രശ്നനം നടത്തുകയുണ്ടായി അതിന് പ്രകാരം 5 ഘട്ടമായി പുനരുദ്ധാരണ പ്രവർത്തനം നടത്തുന്നതിന് തീരുമാനിച്ചു.

ഒന്നാം ഘട്ടമായി 12-10-2007 മുതൽ 1-10-207 വരെ ക്ഷേത്ര തന്ത്രി തന്ത്രിമുഖ്യൻ താഴമണ്‍ മഠത്തിൽ കണ്ഠരുരു മഹേശ്വരരു വിന്റെ നേതൃത്വത്തിൽ പരിഹാര കർമങ്ങൾ നടത്തുകയുണ്ടായി.
രണ്ടാം ഘട്ടമായി 1183 മിഥുനം 29 ഞായറാഴ്ച ക്ഷേത്രതന്ത്രിയുടെ കാർമികത്വത്തിൽ ബാലാലയ പ്രതിഷ്ഠ നടത്തുകയുണ്ടായി 5 വർഷത്തേക്കാണ് അനുജ്ഞ വാങ്ങിയിരിക്കുന്നത് അതായത് 2013 ജൂലൈ 12 വരെ.

തുടർന്ന് പ്രശസ്ത വസ്തുവിദഗ്ദ്ധൻ തിരുവല്ല കുഴിക്കാട്ടു ഇല്ലത്ത്‌ ബ്രഹ്മശ്രീ വാസുദേവ ഭട്ടതിരിപ്പാടിന്ടെയും തച്ചുശാസ്ത്രന്ജൻ ഹരിപ്പാട്‌ ഗോപന്ടെയും ശില്പി കുടപ്പനകുന്ന് ഗോപന്ടെയും നേതൃത്വത്തിൽ നവീകരണ പ്രവർത്തനങ്ങൾ നടത്തുകയുണ്ടായി 
28-01-2010 ൽ ക്ഷേത്ര തന്ത്രിയുടെയും വാസ്തുവിന്റെയും തച്ചന്റെയും ശില്പിയുടെയും സാന്നിധ്യത്തിൽ മുഖ്യകാര്യദർശി ക്ഷേത്രത്തിനു കുറ്റി ഇട്ടു. ക്ഷേത്ര നവീകരണ പ്രവർത്തനം അവസാന ഘട്ടത്തിലാണ് ഇനിയും അനേകം പ്രവർത്തനങ്ങൾ നടത്തേണ്ടതുണ്ട് അലങ്കാര ഗോപുര നിർമ്മാണം, ചുറ്റുമതിൽ, ക്ഷേത്രകുളം, കാവ്‌ സംരക്ഷണം, നവരാത്രി മണ്ടപം മിനി കല്യാണ മണ്ടപം തുടങ്ങിയവ.

Plz like ,Visit & Follow us on FB  -Nammude Kshethrangal page
https://www.facebook.com/nammudekshethrangalndd...

   ചടയമംഗലം ശ്രീമഹാക്ഷേത്രം

   CHADAYAMANGALAM MAHAKSHETHRAM , KOLLAM Dt. 

KERALA

കൊല്ലം ജില്ലയില്‍ ചടയമംഗലം പഞ്ചായത്തിലാണ്‌ ചരിത്രപ്രസിദ്ധമായ ചടയമംഗലം മഹാദേവക്ഷേത്രം.

റോഡില്‍ നിന്നും ഉയര്‍ന്നുകാണുന്ന ക്ഷേത്രം. ക്ഷേത്രാങ്കണത്തില്‍ നിന്നുള്ള കാഴ്ചയ്ക്കുമുണ്ട്‌ അസുലഭ സൗകുമാര്യം. വലതുവശത്ത്‌ താഴ്ചയില്‍ കുളം. ഒറ്റക്കല്ലില്‍ കൊത്തിയെടുത്ത ബലിക്കല്ല്‌. അറ്റത്ത്‌ കത്തുന്ന കെടാവിളക്ക്‌, മണ്ഡപത്തില്‍ നന്ദിവാഹനം. ശ്രീകോവിലില്‍ പരമശിവന്‍ കിഴക്കോട്ടും പിന്നില്‍ പാര്‍വ്വതി പടിഞ്ഞാറോട്ടും ദര്‍ശനമേകുന്നു. നാലമ്പലത്തിന്‌ പുറത്ത്‌ ഗണപതി. ഇടതുവശത്ത്‌ ഭഗവാന്റെ ആഭരണമായ നാഗം. നാലമ്പലത്തിന്‌ പുറത്ത്‌ കിഴക്കുഭാഗത്തായി ജടായു വിഗ്രഹം.

ജടായുവിന്‌ പ്രത്യേകം ശ്രീകോവിലില്ല. സംരക്ഷണഭിത്തി തീര്‍ത്തിരിക്കുന്നു. ഇടായു കൊണ്ടുവന്ന ശിവലിംഗം ഇവിടെ പ്രതിഷ്ഠിച്ചുവെന്നും പവിത്രമായ ജടായുമംഗലമാണ്‌ ചടയമംഗലമെന്നും ഐതിഹ്യം. ക്ഷേത്രത്തിന്‌ ഒരു കി.മീ. തെക്കുഭാഗത്തായി ജടായു പാറ. പാറയിലെത്താന്‍ വഴിയുണ്ട്‌. പാറയുടെ മുകളില്‍ വലിയ ശ്രീരാമ വിഗ്രഹം. ഇവിടെ ശ്രീരാമസങ്കല്‍പമുണ്ടെന്ന്‌ പഴമ. ഏതാണ്ട്‌ ഇരുന്നൂറോളം ഏക്കര്‍ സ്ഥലത്ത്‌ വ്യാപിച്ചുകിടക്കുന്ന വിസ്തൃതമായ പാറ. ദിവ്യമായ ഈ ശിലയ്ക്ക്‌ രണ്ടായിരം അടി ഉയരം വരും.

രാവണന്‍ സീതാദേവിയെയും കൊണ്ട്‌ പുഷ്പക വിമാനത്തില്‍ ലങ്കയിലേക്ക്‌ പോകുമ്പോള്‍ സീതയുടെ കരച്ചില്‍ കേട്ട്‌ ജടായു ആ വിമാനത്തിന്റെ ഗതിയെ തടഞ്ഞു. ഇതോടെ ജടായുവും രാവണനും തമ്മില്‍ യുദ്ധമായി, പൊരിഞ്ഞ യുദ്ധം. അവരുടെ പോര്‌ നടന്ന സ്ഥലം പോരേടം എന്നറിയപ്പെടുന്നു. പോരേടം ചടയമംഗലത്തിന്‌ തൊട്ടടുത്ത സ്ഥലമാണ്‌. വെളിപ്പെടുത്തുന്ന ചില അവശിഷ്ടങ്ങള്‍ കണ്ടെടുക്കുകയുണ്ടായി. പേരിനൊടുവില്‍ ജടായു വീണത്‌ ഈ പാറയിലാണെന്ന്‌ ഐതിഹ്യം. അത്‌ നീലംപതിച്ച സ്ഥലം ഒരു കുളമായി. ഒരു കാലത്തും വറ്റാത്ത കുളം. ജടായുവിന്റെ ശേഷക്രിയകള്‍ നടത്താന്‍ രാമലക്ഷ്മണന്മാര്‍ ഇവിടെ എത്തിയതായും പറയപ്പെടുന്നു. ജടായുവിന്റെ ചുണ്ടുരത്തെ പാടും ശ്രീരാമന്റെ കാല്‍പാടും പാറയിലുണ്ട്‌. ഇതെല്ലാം ഇവിടെ എത്തുന്ന ഭക്തരില്‍ ദിവ്യ അനുഭൂതിയും സഞ്ചാരികളില്‍ കൗതുകമുണര്‍ത്തും.

ക്ഷേത്രത്തില്‍ വഴിപാടായി പായസവും വെള്ളയും അര്‍ച്ചനയും ഹോമവും ഉണ്ട്‌. കുംഭമാസത്തിലെ ശിവരാത്രി ഉത്സവമായി ആഘോഷിക്കുന്നു. കൊടിയേറ്റ്‌ ഉത്സവമല്ല. ശ്രീഭൂതബലിയും കാഴ്ച ശീവേലിയും ഉണ്ട്‌... 


Plz like ,Visit & Follow us on FB Nammude Kshethrangal page
https://www.facebook.com/nammudekshethrangalndd...

തുമ്പിള്ളില്‍ ശ്രീ ഭദ്രകാളീ ക്ഷേത്രം

THUMPILLIL SREE BHADRAKALI TEMPLE , Alappuzha, 

ആലപ്പുഴ ജില്ലയില്‍ ,കാര്‍ത്തികപ്പള്ളി താലൂക്ക് ,കൃഷ്ണപുരം പഞ്ചായത്തില്‍ ഞക്കനാല്‍ ഗ്രാമത്തില്‍ സ്ഥിതിചെയ്യുന്നു തുമ്പിള്ളില്‍ ശ്രീ ഭദ്ര കാളീ ക്ഷേത്രം ..തുമ്പിള്ളില്‍ ശ്രീ ഭദ്ര കാളീ ക്ഷേത്രം 800 ല്‍ പരം വര്‍ഷങ്ങള്‍ പഴക്കം ഉള്ളതായി പറയപ്പെടുന്നു എന്നാല്‍ ക്ഷേത്രത്തിന്‍റെ ഉല്‍പത്തിയെപറ്റി പറയുകയാണെങ്കില്‍ തുമ്പിള്ളില്‍ ശ്രീ ഭദ്ര കാളീ ക്ഷേത്രം കുടുംബ ക്ഷേത്രമാണ് കുടുംബത്തിന്‍റെ പൂര്‍വ്വ പുണ്ണ്യ ഹേതുവായി ഒരു ഭദ്രകാളീ ചൈതന്യം സിദ്ധിച്ചതായി പറയപ്പെടുന്നു ക്ഷേത്രോല്‍പത്തിയുടെ ചരിത്രം ഇപ്രകാരം ആണ്

രണ്ടു ദേവിമാര്‍ അന്തര്‍ജനകന്യകാ രൂപത്തില്‍ രണ്ടു ഓലക്കുടക്കീഴില്‍ ഉത്തര ദിക്കില്‍ നിന്നും ഇവിടെ വന്നു ചേര്‍ന്നു ഈ കന്യകമാര്‍ യാത്രാ ക്ലേശത്താല്‍ ക്ഷീന്നിതരായിരുന്നു അവരുടെ കൂടെ യമനീയമാസന പ്രാണായാമാദ്യങ്ങളായ അഷ്ടാംഗ യോഗയുക്തനും കാഷായവസ്ത്രധാരിയും ചുവന്നു ശോഭനശരീരവും,കൂര്‍ച്ചീധരനുമായ ഒരു യോഗീശ്വരനും ഉണ്ടായിരുന്നു .ഇവര്‍ക്ക് ഇവിടെ നിന്നു ജലവും,പാലും,പഴവും നല്‍കി.ഇവര്‍ ഭക്ഷണ ശേഷം തങ്ങള്‍ ദേവിമാര്‍ ആണെന്നും തങ്ങളുടെ സഹായിയാണ് യോഗിവര്യന്‍ എന്നും അറിയിച്ചു അനുജത്തിയെ ഇവിടെ നിന്നും പടിഞ്ഞാറു ഭാഗത്തുള്ള വലിയ കളീക്കല്‍ എന്ന കുടുംബത്തിലേക്ക് പോയി സ്ഥിതി ചെയ്യുവാന്‍ കല്പിച്ചശേഷം .മൂത്തസഹോദരി ആയ ദേവി യോഗീശ്വരനോടൊപ്പം ഇവിടെ വസിച്ചുകൊള്ളാം എന്ന് കല്പിച്ചു അന്തര്‍ധാനം ചെയ്തതായി പറയപ്പെടുന്നു പിന്നീടുണ്ടായ സ്വപ്ന ദര്‍ശനവും ജ്യോതിഷ വിധിയും അനുസരിച്ച് ഈ ദേവിയേയും മറ്റു മൂര്‍തികളെയും ഇവിടെ പ്രത്യേകം കുടിയിരുത്തി ആചരിക്കുവാനും തുടങ്ങി ഇവിടെ കുടികൊള്ളുന്ന ഭദ്രകാളീ ചൈതന്ന്യം അപരിമേയവും അനന്തശക്തി പ്രഭാവവും ഉള്ളതാകുന്നു .സര്‍വ്വാംഗസുന്ദരിയും ,സര്‍വ്വാഭരണ വിഭൂഷിതയും,മന്ദസ്മിതവദനയുമായ് സൗമ്യഭാവത്തിലും ഉഗ്രമായ അട്ടഹാസവും ദംഷ്ട്രകളും കരങ്ങളില്‍ വിവിദ രൂപങ്ങള്ളില്‍ ഉള്ള ആയുധങ്ങളും ധരിച്ചു മസൂരി മുതലായ വസന്തരോഗ സംഹാരിയുമായി ഉഗ്രഭാവത്തിലും കാണപ്പെടുന്നു.

                                           Plz like , visit & follow us on FB
                             https://www.facebook.com/nammudekshethrangalndd

പൂങ്കുന്നം ശിവക്ഷേത്രം

Poonkunnam Shiva Temple , Pookkunnam, Thrishoor, Kerala

കേരളത്തിലെ തൃശ്ശൂർ ജില്ലയിലെ പൂങ്കുന്നത്ത് സ്ഥിതിചെയ്യുന്ന ഒരു ക്ഷേത്രമാണ് പൂങ്കുന്നം ശിവക്ഷേത്രം. വടക്കുംനാഥക്ഷേത്രവുമായി അഭേദ്യ ബന്ധമുള്ള ക്ഷേത്രമാണിത്. വടക്കുംനാഥക്ഷേത്രത്തിലേക്ക് കുടികൊണ്ട ദേവനും ദേവിയും തന്നെയാണ് ഇവിടെയെന്നു വിശ്വസിക്കുന്നു. 108 ശിവക്ഷേത്രങ്ങളിൽ ഒന്നായ പൂങ്കുന്നത്ത് ക്ഷേത്രത്തിലെ പ്രതിഷ്ഠ നടത്തിയത് പരശുരാമനാണന്നു വിശ്വസിക്കുന്നു.

ഈ ക്ഷേത്രത്തിലെ ശിവലിംഗം സ്വയംഭൂവാണ്. ഇവിടെ കുടികൊണ്ടിരുന്ന ശിവ-പാർവ്വതീമാർ ഇതിലും അനുയോജ്യമായ സ്ഥല കണ്ടെത്താൻ തങ്ങളുടെ ഭൂതഗണങ്ങളിൽ ഒരാളായ സിംഹോദരനോടു പറഞ്ഞുവത്രേ. സിംഹോദരൻ പിന്നീട് കണ്ടു പിടിച്ച സ്ഥലമാണ് വടക്കുംനാഥം. സിംഹോദരൻ തിരിച്ചു വരാൻ വൈകിയെന്നും സിംഹോദരനെ അന്വേഷിച്ച് ശിവ-പാർവ്വതിമാർ പുറപ്പെട്ട് വടക്കുംനാഥത്ത് കുറ്റികൊണ്ടുവെന്നും ഐതിഹ്യം. അതായത് വടക്കും നാഥനും ദേവി പാർവ്വതിയും ഇവിടെ പൂങ്കുന്നത്താണ് ആദ്യം കുടികൊണ്ടത് എന്നുവിശ്വസിക്കുന്നു. പിന്നീട് ദേവ-ദേവി ചൈതന്യം മനസ്സിലാക്കി പൂങ്കുന്നത്തും വടക്കുൻനാഥത്തും ക്ഷേത്രം പണിതുവെന്നുമാണ് വിശ്വാസം.

വടക്കുംനാഥക്ഷേത്രത്തിലേതുപോലെതന്നെ ഇവിടെയും ശിവ ദർശനം പടിഞ്ഞാറേക്ക് തന്നെയാണ്. അതുപോലെതന്നെ അതേ ശ്രീകോവിലിൽ കിഴക്കു ദർശനം നൽകി പാർവ്വതീദേവിയും കുടികൊള്ളുന്നു. ഇവിടെയും അർദ്ധനാരീശ്വരനായി രൗദ്രഭാവത്തിലാണ് ശിവൻ വാഴുന്നത്. എന്നാൽ ശിവലിംഗം നെയ്യിട്ടുമൂടിയിട്ടില്ല. ഇവിടുത്തെ ശ്രീകോവിൽ വളരെ വലിപ്പമേറിയതാണ്. പടിഞ്ഞാറേ നടയിൽ ചതുരാകൃതിയിൽ നമസ്കാര മണ്ഡപവും പണിതീർത്തിട്ടുണ്ട്. നാലമ്പലവും ബലിക്കൽപുരയും എല്ലാം കേരളാശൈലിയിൽ തന്നെയാണ് പണിതിരിക്കുന്നത്.

പടിഞ്ഞാറ് ഭാഗത്ത് ഇരുനിലയിൽ ക്ഷേത്രഗോപുരം പണിതീർത്തിരിക്കുന്നു. ഈ ഗോപുരം അടുത്തിടക്ക് പണിതതാണ്. ഗോപുരത്തിൽ പണിതീർത്തിരിക്കുന്ന ദേവശില്പങ്ങൾ ഗോപുരത്തിനു ഭംഗി വർദ്ധിപ്പിക്കുന്നുണ്ട്.

വിശേഷങ്ങളും, പൂജാവിധികളും

ശിവരാത്രി
നവരാത്രി
അയ്യപ്പൻ വിളക്ക്

പ്രധാന ഉപ പ്രതിഷ്ഠകള്‍ 

ഗണപതി,അയ്യപ്പൻ,ശ്രീകൃഷ്ണൻ,
നാഗദൈവങ്ങള്‍ 

ക്ഷേത്രത്തിൽ എത്തിചേരാൻ

തൃശ്ശൂർ നഗരത്തില്‍ പൂങ്കുന്നം ജംഗ്ഷനരുകിലാണ് ക്ഷേത്രം സ്ഥിതിചെയ്യുന്നത്.

Plz like Nammude Kshethrangal page
https://www.facebook.com/nammudekshethrangalndd

കൊടുമ്പ് മഹാദേവക്ഷേത്രം

Kodumb Mahadeva temple , Pallakkad , Kerala

കേരളത്തിലെ പാലക്കാട് ജില്ലയിലെ ചിറ്റൂരിനടുത്ത് കൊടുംബിൽ സ്ഥിതിചെയ്യുന്ന ശിവക്ഷേത്രമാണ് ഇത്. 108 ശിവക്ഷേത്രങ്ങളിൽ പറയുന്ന കൊടുംബൂരാണ് ഈ ക്ഷേത്രം. കൊടുമ്പ് മഹാദേവക്ഷേത്രത്തിലെ പ്രതിഷ്ഠ നടത്തിയത് ശ്രീ പരശുരാമനാണന്നു വിശ്വസിക്കുന്നു. എന്നാൽ ഇന്ന് ശിവപുത്രനായ സുബ്രഹ്മണ്യനാണ് കൂടുതൽ പ്രധാനം.

ഇവിടെ ശിവപ്രതിഷ്ഠാ ഒരടിയോളം പൊക്കം ഉള്ളതാണ്. പ്രധാന ക്ഷേത്രമായ സുബ്രഹ്മണ്യക്ഷേത്രത്തിനാണ് പ്രശസ്തിയും പൂജാധികാര്യങ്ങൾക്ക് പ്രാമുഖ്യവും കൊടുത്തിരിക്കുന്നത്. ശിവക്ഷേത്രനടയിൽ പ്രത്യേകം ധ്വജ പ്രതിഷ്ഠ നടത്തിയിട്ടുണ്ട്.

ഐതിഹ്യം

പരശുരാമനാണ് ശിവ പ്രതിഷ്ഠനടത്തിയത് എന്നാണ് ഐതിഹ്യം.

ക്ഷേത്ര രൂപകല്പന

തമിഴ് ശൈലിയിലാണ് ശിവക്ഷേത്രവും പ്രധാനക്ഷേത്രമായ സുബ്രഹ്മണ്യസ്വാമിക്ഷേത്രവും പണിതീർത്തിയിരിക്കുന്നത്.
പൂജാവിധികളും വിശേഷങ്ങളും

നിത്യേന മൂന്നു പൂജകൾ ശിവക്ഷേത്രത്തിൽ നടത്തുന്നു. ശിവക്ഷേത്ര പൂജാപടിത്തരങ്ങൾ മലയാള ബ്രാഹ്മണരാണ് നടത്തുന്നത്.

പ്രധാന ആഘോഷങ്ങൾ

ശിവരാത്രി
തൈപൂയം
ഷഷ്ഠി വ്രതം
പ്രദോഷ വ്രതം

ക്ഷേത്രത്തിൽ എത്തിച്ചേരാൻ

പാലക്കാട്നടുത്തുള്ള ചിറ്റൂരാണ് ക്ഷേത്രവുമായി അടുത്തുകിടക്കുന്ന പട്ടണം. ഇവിടെ നിന്നും എളുപ്പം ക്ഷേത്രത്തിൽ എത്തിച്ചേരുന്നതാണ്.

Plz like Nammude Kshethrangal page

https://www.facebook.com/nammudekshethrangalndd

   

വീരകേരളപുരം ശ്രീകൃഷ്ണ സ്വാമി ക്ഷേത്രം

    Veera Keralapuram Sree Krishna Temple . Attingal ,

Thiruvananthapuram.

കേരള തലസ്ഥാന നഗരിയിൽ നിന്നും 32 കിലോമീറ്റർ വടക്ക് മാറി ദേശിയ പാതയോടു ചേർന്നാണ് “ആറ്റിങ്ങൽ വീരകേരളപുരം ശ്രീകൃഷ്ണ സ്വാമി ക്ഷേത്രം”സ്ഥിതിചെയുന്നത്. ജില്ലയിലെ പുരാതന ക്ഷേത്രങ്ങളിൽ ഒന്നായ ഈ ക്ഷേത്രത്തിൽ എത്തിച്ചേരുവാൻ ആറ്റിങ്ങൽ കച്ചേരി നടയിൽ നിന്നും ( ചിറയിൻകീഴ് റോഡ്‌ ) 200 മീറ്ററും ആറ്റിങ്ങൽ കെ.എസ്.ആർ.റ്റി. എസി ഡിപ്പോ നിന്നും (പാലസ്റോഡ്‌ & N.H Oneway) 350 മീറ്റർ മാത്രമാണ്‌ ഉള്ളത്..പ്രധാന പ്രതിഷ്ഠ ശ്രീകൃഷ്ണ സ്വാമിയും ഗണപതി, ശ്രീ ധർമ ശസ്താവ്, ഹനുമാൻ, മാടൻ തമ്പുരാൻ, നാഗർ, ഭുതത്താൻ എന്നിവർ ഉപപ്രതിഷ്ഠ ആയിട്ടും കുടികൊള്ളുന്നു.. ഇവിടെ വൃഷ രാജാവ് ആയ അരയാൽമരത്തെയും നാലമ്പലത്തിനു ഉള്ളിൽ കൃഷ്ണ തുളസിയെയും ആരാധിക്കുന്നുണ്ട്. കുംഭമാസത്തിലെ രോഹിണി നക്ഷത്രത്തിൽ തൃകൊടിയേറി അത്തം നക്ഷത്രത്തിൽ ആറാട്ട്

വരുതക്കം ആണ് തൃക്കൊടിയെറ്റ് ഉത്സവം നടക്കുന്നത്. ചിങ്ങമാസത്തിലെ അഷ്ടമിരോഹിണി, വിഷു , ശ്രീമദ് ഭാഗവത സപ്താഹം, കുചേലദിനം,നവരാത്രി, ദീപവലി, കർക്കടകവിളക്ക് എന്നിവയെല്ലാം ക്ഷേത്രത്തിന്റെ ആഘോഷങ്ങളിൽപ്പെടുന്നു….!

ചരിത്രം!

A.D 1209നും 1214നും ഇടക്ക് വീരകേരളവർമ്മ രാജാവ് ഒരു ഗോഹത്യ നടത്തി. അതിന്റെ പച്ചതപത്തിൽ വില്യമംഗലം സ്വാമിമാരുടെ നിർദേശപ്രകാരം സ്വന്തംപേരിൽ പണികഴിപ്പിച്ച ക്ഷേത്രമാണ് വീരകേരളപുരം കൃഷ്ണ സ്വാമി ക്ഷേത്രം എന്ന് ക്ഷേത്ര വിജ്ഞാനകോശത്തിൽ പറയുന്നു..! ശ്രീകൃഷ്ണ ക്ഷേത്രം വരുന്നതിനു മുൻപുതന്നെ മാടൻനടയിൽ കാഞ്ഞിരമരത്തിന് ചുവട്ടിൽ ആരാധന നടത്തിയതായും സുചിപ്പിക്കുന്നുണ്ട്.രാജകുടുംബ സ്വത്തുക്കൾ ഭാഗം വച്ചപ്പോൾ റീ ജന്റ് റാണി സേതുലക്ഷ്മിഭായ് തമ്പുരാട്ടിക്ക് ലഭിച്ച 9 ക്ഷേത്രങ്ങൾ ആണ് ശ്രീപാദം ട്രസ്റ് ആയി രൂപികരിച്ചത്.
ഈ ട്രസ്റിന്റെ കീഴിലാണ് വീരളം ക്ഷേത്രവും. ഇരുപതിലേറെ പശുക്കൾ ഉള്ള ഒരു ഗോശാല ക്ഷേത്രത്തിനു മുൻവശത്തായി ഉണ്ട്. ക്ഷേത്രത്തിൽ കണ്ണൻറെ ഇഷ്ട നിവേദ്യമായ പാൽപയസത്തിനു ആവിശ്യമായ പാൽ ഇവിടെ നിന്നാണ് ലഭിക്കുന്നത്‌………….. കുടാതെ കണ്ണന് വഴിപാട്‌ ആയി ഉണ്ണിയപ്പവും പായസവും അവിലും വെണ്ണയും കദളിപ്പഴവും നിവേദ്യക്കാറുണ്ട്. മറ്റ് നിവേദ്യങ്ങൾ ഹനുമാൻ സ്വാമിക്ക് വടമാലയും ,അയ്യപ്പസ്വാമിക്ക് പായസവും ,മാടൻ തമ്പുരാന് അടയും ആണ്…

ക്ഷേത്രത്തിൽ3 നേരത്തെ പൂജകൾ ആണ് ഇപ്പോൾ ഉള്ളത് .
                           Plz like  , visit & folow un on FB  : Nammude Kshethrangal page
                           https://www.facebook.com/nammudekshethrangalndd...

മാത്തൂർ ശിവക്ഷേത്രം Mathoor Shiva temple,Pannithadam , Thrisoor,

                                                    മാത്തൂർ ശിവക്ഷേത്രം
         Mathoor Shiva temple,Pannithadam , Thrisoor, 

നൂറ്റാണ്ടുകൾ പഴക്കമേറിയ ഈ ശിവക്ഷേത്രം സ്ഥിതിചെയ്യുന്നത് തൃശൂർ ജില്ലയിലെ പന്നിതടം ഗ്രാമത്തിലാണ്. ഇവിടുത്തെ ശിവലിംഗം രുദ്രാക്ഷശിലയിൽ നിർമ്മിച്ചതാണ്. സദാശിവനായ പ്രധാനമൂർത്തിയുടെ ദർശനം പടിഞ്ഞാറോട്ടും, പാർവ്വതീദേവി അതേ ശ്രീകോവിലിൽ കിഴക്കോട്ടും ആയി കുടികൊള്ളുന്നു. പരശുരാമൻ സ്ഥാപിച്ചു എന്നു വിശ്വസിക്കപ്പെടുന്ന 108 ശിവക്ഷേത്രങ്ങളിൽ ഒന്നാണിത്.

ഒരേ വട്ടശ്രീകോവിലിൽ കിഴക്കും പടിഞ്ഞാറുമായി ശിവ-പാർവ്വതിമാരെ പ്രതിഷ്ഠിച്ചിരിക്കുന്നു. നൂറ്റാണ്ടുകൾ പഴക്കമേറിയതാണിവിടുത്തെ ശ്രീകോവിൽ. ചേരകാലത്തിന്റെ കഥകൾ പറയുന്നവയാണിവിടുത്തെ ക്ഷേത്ര നിർമ്മിതി.

അർദ്ധനാരീശ്വര സന്കല്പമുള്ള അപൂർവ്വം ക്ഷേത്രങ്ങളിൽ ഒന്നാണ്. പടിഞ്ഞാറ് ദർശനമായി സദാശിവനും, കിഴക്കു ദർശനമായി പാർവ്വതീദേവിയേയും പ്രതിഷ്ഠിച്ചിരിക്കുന്നു. ദക്ഷിണാമൂർത്തിക്കും, ശാസ്താവിനും, ഗണപതിക്കും, നാഗയക്ഷിക്കും ഇവിടെ പ്രത്യേക പ്രതിഷ്ഠകൾ ഉണ്ട്.

തൃശൂരിൽ, കുന്നംകുളം- വടക്കാഞ്ചേരി റോഡിലായി പന്നിതടം ഗ്രാമത്തിലാണ് സ്ഥിതിചെയ്യുന്നത്.

Plz like,visit & follow us on FB  Nammude Kshethrangal page

                                  https://www.facebook.com/nammudekshethrangalndd

പൊക്കുന്നിയപ്പൻ ക്ഷേത്രം
Pookuniyappan Temple , Alathur , Palakkad

കേരളത്തിലെ പാലക്കാട് ജില്ലയിലെ ആലത്തൂർ താലൂക്കിൽ സ്ഥിതിചെയ്യുന്ന അതിപുരാതന ക്ഷേത്രമാണ് പൊക്കുന്നിയപ്പൻ ക്ഷേത്രം. പരശുരാമനാൽ പ്രതിഷ്ഠിക്കപ്പെട്ടു എന്ന് ഐതിഹ്യമുള്ള ക്ഷേത്രം വടവന്നൂർ ഗ്രാമത്തിൽ സ്ഥിതിചെയ്യുന്നു. പുരാതന കേരളത്തിലെ 108 ശിവക്ഷേത്രങ്ങളിൽ പറയുന്ന ആലത്തൂരാണ് ഈ മഹാദേവക്ഷേത്രം. പൊക്കുന്നി മഹാദേവക്ഷേത്രം എന്ന പേരിലും ഈ ക്ഷേത്രം അറിയപ്പെടുന്നു.

ഐതിഹ്യം

അതിരൗദ്രതയേറിയ ശിവ ഭാവമാണ് പൊക്കുന്നി മഹാദേവക്ഷേത്രത്തിലെ ശിവ പ്രതിഷ്ഠ. മഹാദേവന്റെ രൗദ്രതയ്ക്ക് കുറവു വരുത്തുവാനും ശാന്തത കൈവരിക്കുവാനുമാണത്രേ പരശുരാമൻ ദേവനെ കുളത്തിൽ തന്നെ പ്രതിഷ്ഠിച്ചത്.

ഇതര ക്ഷേത്രങ്ങളിൽ ശിവകോപം കുറക്കാനായി ക്ഷേത്രേശന്റെ ദൃഷ്ടി സമീപ കുളത്തിലേക്കോ മറ്റു ജലാശങ്ങളിലേക്കോ വരത്തക്കവണ്ണം പ്രതിഷ്ഠ നടത്താറുണ്ട്. ഇവിടെ ആലത്തൂരിൽ പരശുരാമൻ പെരുംകുളത്തിൽ തന്നെ പ്രതിഷ്ഠിച്ചു എന്നാണ് ഐതിഹ്യം. ഈ പെരുംകുളത്തിൽ സ്വയംഭൂവായി ദേവൻ പ്രതിക്ഷ്യപ്പെടുകയും കൊല്ലംകോട് രാജാവ് ക്ഷേത്രം പണിതീർക്കുകയും ആണ് ഉണ്ടായത്. ഇത് എന്തായാലും വിസ്താരമേറിയ കുളത്തിങ്കരയിലാണ് ക്ഷേത്രം സ്ഥിതിചെയ്യുന്നത്. മുൻപ് ക്ഷേത്രക്കുളത്തിനു നടുക്കായിരുന്ന ക്ഷേത്രത്തിലേക്ക് എത്തിചേരാനായി ക്ഷേത്രക്കുളത്തിന്റെ ഒരുവശം മണ്ണിട്ട് ഉയർത്തിയതാവാം. കുളത്തിലേക്ക് തള്ളി നിൽക്കുന്ന ക്ഷേത്രം കാണുമ്പോൾ അതു മനസ്സിലാക്കാവുന്നതാണ്.

ചരിത്രം

പാലക്കാട് കൊല്ലങ്കോട് രാജവംശമാണ് ക്ഷേത്ര നിർമ്മാണം നടത്തിയത്.
Plz like, visit & follow us on Nammude Kshethrangal page
https://www.facebook.com/nammudekshethrangalndd

തൃശ്ശിലേരി ശിവക്ഷേത്രം Thrisshilerri Shiva Temple , Wynad, Kerala

                                                    തൃശ്ശിലേരി ശിവക്ഷേത്രം
                        Thrisshilerri Shiva Temple , Wynad, Kerala

വയനാട് ജില്ലയിലെ മാനന്തവാടിക്കടുത്ത് തിരുനെല്ലിയിൽ സ്ഥിതിചെയ്യുന്ന ചരിത്ര പ്രസിദ്ധമായ പുരാതന ക്ഷേത്രമാണ് തൃശ്ശിലേരി മഹാദേവക്ഷേത്രം. കേരളത്തിലെ നൂറ്റെട്ട് ശിവക്ഷേത്രങ്ങളിൽ ഒന്നായ ഈ ക്ഷേത്രത്തിലെ പ്രധാന പ്രതിഷ്ഠ പരമശിവൻ കിഴക്ക് ദർശനം നൽകി കുടികൊള്ളുന്നു. തൃശ്ശിലേരിയിലെ ശ്രീമഹാദേവന് വിളക്കുവച്ച്, പാപനാശിനിയിൽ ബലിതർപ്പണത്തിനുശേഷം, തിരുനെല്ലിയിൽ വിഷ്ണുവിനെ വണങ്ങുന്നതാണ് പഴയ ആചാരം. ഇന്ന് ചുരുക്കം ചില ഭക്തന്മാർ മാത്രമാണ് ഈ രീതി പിന്തുടരുന്നത്.

ഐതിഹ്യം

സ്വയംഭൂവായ ശിവലിംഗമാണ് തൃശ്ശിലേരിയിൽ പ്രതിഷ്ഠിച്ചിരിക്കുന്നതെങ്കിലും വൈഷ്ണവാശഭൂതനായ ശ്രീ പരശുരാമനാണ് ഇവിടുത്തെ ലിംഗപ്രതിഷ്ഠ നടത്തിയതെന്നു വിശ്വസിക്കുന്നു. മാനന്തവാടിയിൽ നിന്നും തിരുനെല്ലിയിലേക്കുള്ള വഴിയിലാണ് തൃശ്ശിലേരി ക്ഷേത്രം. തിരുനെല്ലിയിൽ ബലിയിടാൻ പോകുന്നവർ തൃശ്ശിലേരിയിലിറങ്ങി ശിവനെ വണങ്ങി വേണം പോകാൻ എന്നാണ് സങ്കൽപ്പം.

സ്വയംഭൂവായ ശിവലിംഗമാണ് ഇവിടത്തെ പ്രധാന പ്രതിഷ്ഠ. പരമശിവന്റെ ശ്രീകോവിലിനു മുൻപിലുള്ള നമസ്കാര മണ്ഡപത്തിൽ ശ്രീ പാർവതിയെ പ്രതിനിധാനം ചെയ്യുന്ന ഒരു പീഠവും, ഗണപതി പ്രതിഷ്ഠയുമുണ്ട്. ഇതിനു പുറമേ ജലദുർഗ, ഗോശാലകൃഷ്ണൻ, ശാസ്താവ്, കന്നിമൂലഗണപതി, ദൈവത്താർ, ഭദ്രകാളി, ഭഗവതി, നാഗർ എന്നീ പ്രതിഷ്ഠകളുമുണ്ട്. ജലദുർഗയുടെ പ്രതിഷ്ഠയുള്ള ശ്രീകോവിലിനു ചുറ്റും എല്ലാ കാലാവസ്ഥയിലും ഒരേ നിരപ്പിൽ വെള്ളം നിൽക്കുന്നു. പാപനാശിനിയിലെ ജലമാണ് ക്ഷേത്രത്തിലെ തീർഥകുളത്തിലെത്തുന്നതും ജലദുർഗാപ്രതിഷ്ഠയെ വലയം ചെയ്യുന്നതും എന്നാണ് വിശ്വാസം. ജലദുർഗാ പ്രതിഷ്ഠ നടത്തിയത് പരശുരാമനാണെന്നും, അതിനു ചുറ്റുമുള്ള ജലം സർവരോഗ സംഹാരിയാണെന്നും കരുതപ്പെടുന്നു. ചമ്രം പടിഞ്ഞിരിക്കുന്ന രീതിയിലുള്ള ജടാധാരിയായ ശാസ്താപ്രതിഷ്ഠയും ഈ ക്ഷേത്രത്തിന്റെ പ്രത്യേകതയാണ്. സന്ന്യാസമനുഷ്ഠിക്കുന്ന ശാസ്താവിനെയാണ് ഈ പ്രതിഷ്ഠ സൂചിപ്പിക്കുന്നത്.

ഉപദേവ പ്രതിഷ്ഠകൾ

പാർവ്വതി, ഗണപതി , ജലദുർഗ ,
ഗോശാലകൃഷ്ണൻ ,
ശാസ്താവ്
കന്നിമൂലഗണപതി
ദൈവത്താർ
ഭദ്രകാളി
ഭഗവതി
നാഗരാജാവ്

പൂജാദിവിശേഷങ്ങൾ

നിത്യപൂജകൾ
നിത്യവും തൃകാല പൂജ പടിത്തരമായുണ്ട്.
നിർമ്മാല്യ ദർശനം
ശംഖാഭിഷേകം
ഉഷഃപൂജ
ഉച്ചപൂജ
ദീപാരാധന
അത്താഴപൂഴ
തിരുനെല്ലിയിൽ ദർശനം നടത്തുന്നതിനു മുമ്പായി തൃശ്ശിലേരിയിൽ വരാൻ കഴിയാത്ത ഭക്തർ തൃശ്ശിലേരി മഹാദേവന് വഴിപാട് കഴിക്കുന്നതിനായി തിരുനെല്ലി ക്ഷേത്രത്തിൽ പണമടയ്ക്കുന്ന രീതി നിലവിലുണ്ട്.

വിശേഷങ്ങൾ

ഉത്സവം
ക്ഷേത്രത്തിൽ മീനമാസത്തിലെ പൂരുരുട്ടാതി മുതൽ രേവതി വരെയുള്ള മൂന്ന് ദിവസ മാണ് ഉത്സവം കൊണ്ടാടുന്നത്. അവസ്സന ദിവസമായ രേവതി നക്ഷത്രത്തിലാണ് ഇവിടെ കലശം നടക്കുന്നത്.

ശിവരാത്രി
മലയാള മാസം കുംഭത്തിലെ തിരുവോണനാളിലാണ് ശിവരാത്രി ആഘോഷിക്കുന്നത്. അന്നേ ദിനം ക്ഷേത്രത്തിൽ പ്രത്യേക എഴുന്നള്ളത്തും, വിളക്കും നടത്തുന്നു. അതിനോട് അനുബന്ധിച്ച് രുദ്രാഭിഷേകം, ധാര, പുഷ്പാഞ്ജലി, സ്വയംവര പുഷ്പാഞ്ജലി തുടങ്ങിയവയാണ് പ്രധാന വഴിപാടുകളായി നടത്തുന്നത്.

ധനു തിരുവാതിര
മലയാള മാസം ധനുവിലെ തിരുവാതിര നാളിലാണ് (ശ്രീമഹാദേവന്റെ ജന്മനാൾ) തിരുവാതിര ആഘോഷിക്കുന്നത്. ധനുമാസത്തിലെ തിരുവാതിരനാളിൽ വ്രതമെടുത്താൽ നെടുമാംഗല്യം ലഭിക്കുമെന്നാണ് വിശ്വാസം. തിരുവാതിരക്കു രണ്ടു ദിവസം മുൻപുതന്നെ വ്രതമെടുത്തു തുടങ്ങി അന്നേദിവസം രാവിലെ ക്ഷേത്ര ദർശനം നടത്തി വിവാഹിതരായ സ്ത്രീകൾ നെടുമാംഗല്യത്തിനും കന്യകകൾ നല്ല വിവാഹബന്ധത്തിനും വ്രതം നോറ്റ് ക്ഷേത്ര ദർശനം നടത്തുന്നു.

പ്രതിഷ്ഠാദിനം
ധനുമാസം 17- തീയതി നടത്തുന്നു. അന്നേദിവസം ക്ഷേത്രത്തിൽ ചുറ്റുവിളക്കും നടത്താറുണ്ട്.

ക്ഷേത്രത്തിൽ എത്തിചേരാൻ

വയനാട് ജില്ലയിലെ മാനന്തവാടിയിൽ നിന്നും 32 കിലോമീറ്റർ അകലെയാണ് തിരുനെല്ലി. റോഡ് മാർഗ്ഗം മാത്രമേ ഇവിടെയെത്താൻ സാധിക്കുകയുള്ളു. വയനാടൻ വനങ്ങളുടെ നടുവിലൂടെയാണ് യാത്ര. കല്പറ്റയിൽ നിന്നും 95 കിലോമീറ്റർ ദൂരമുള്ള കോഴിക്കോട് - കരിപ്പൂർ അന്താരാഷ്ട്ര വിമാനത്താവളമാണ് ഏറ്റവും അടുത്തുള്ള വിമാനത്താവളം. കല്പറ്റയിൽ നിന്നും 32 കിലോമീറ്റർ അകലെയാണ് മാനന്തവാടി. ട്രെയിനിലാണെങ്കിൽ കോഴിക്കോട് റെയിൽവേ സ്റ്റേഷനിൽ ഇറങ്ങുക, ഇവിടെ നിന്നും കല്പറ്റയിലേക്ക് 72 കിലോമീറ്റർ ദൂരമുണ്ട്.

തലവൂർ തൃക്കൊന്നമർക്കോട് ശ്രീ ദുർഗാ ദേവി ക്ഷേത്രം Thalavoor Thrikkonnamarkode Sree durga Temple , pathanapuram, Kollam

                                തലവൂർ തൃക്കൊന്നമർക്കോട്                                                     ശ്രീ ദുർഗാ ദേവി ക്ഷേത്രം
            Thalavoor Thrikkonnamarkode Sree durga Temple ,                                     pathanapuram,  Kollam 

ദക്ഷിണ കേരളത്തിലെ ഒരു പ്രധാന ദുർഗാ ദേവി ക്ഷേത്രമാണു തലവൂർ തൃക്കൊന്നമർക്കോട് ശ്രീ ദുർഗാ ദേവി ക്ഷേത്രം. കൊല്ലം ജില്ലയിലെ പത്തനാപുരം താലൂക്കിലെ തലവൂർ ഗ്രാമത്തിലാണു ക്ഷേത്രം സ്ഥിതി ചെയ്യുന്നത്. കുന്നിക്കോട് - പട്ടാഴി പാതയിൽ കുന്നിക്കോട്ടു നിന്നും 3 കിലോമീറ്റർ മാറിയാണു ക്ഷേത്രം സ്ഥിതി ചെയ്യുന്നത്. മഹിഷാസുര മർദ്ദിനി ഭാവത്തിലുള്ള ദുർഗ്ഗയാണു ഇവിടുത്തെ പ്രതിഷ്ഠ.

തലവന്മാരുടെ ഊരായിരുന്നു തലവൂർ. ദാരികനിഗ്രഹം എന്ന തിരു കൊലയുടെ ശബ്ദം കേട്ട ഇടം എന്ന അർത്ഥത്തിൽ തൃക്കൊന്നമർക്കോട് എന്ന പേര് ലഭിച്ചത്. കോട് എന്ന സ്ഥലത്തിന് സ്ഥലം എന്നർത്ഥമുണ്ട്.

ഹൈന്ദവവിശ്വാസമനുസരിച്ച് ശിവപത്നിയായ ശ്രീപാർവ്വതിയുടെ രൗദ്ര രൂപമാണ് ദുർഗാദേവി. മഹിഷാസുരനെ വധിക്കാൻ വേണ്ടി അവതാരം എടുത്തതെന്നാണ്‌ വിശ്വാസം . പതിനാറ് കൈകൾ ഉള്ളതും സിംഹത്തിന്റെ പുറത്ത് സഞ്ചരിക്കുന്നതുമായിട്ടാണ് ദുർഗയെ കണക്കാക്കുന്നത്.

തലവൂർ ക്ഷേത്രത്തിന്റെ മൂലസ്ഥാനം ഭൂതത്താൻ മുകളിലാണ്. ക്ഷേത്രത്തോട് ചേർന്ന് കുന്നിൻ മുകളിലാണ് ഇത്. പണ്ട് ഘോരവനമായിരുന്ന ഇവിടെ ദേവീസാന്നിധ്യം ആദ്യം അനുഭവിച്ചറിഞ്ഞത് പുല്ലുപറിക്കാനെത്തിയ താഴ്ന്ന ജാതിയിൽ പെട്ടവരായിരുന്നു. വലിയ കുന്നും ഘോരവനമുമായതിനാൽ ഇവിടെയെത്താൻ ഭക്തർക്ക് എത്തിച്ചേരാൻ ബുദ്ധിമുട്ട് അനുഭവപ്പെട്ടു. തുടർന്ന് താഴ്വാരത്ത് ക്ഷേത്രം പണിയുകയായിരുന്നു.

ചരിത്ര പ്രസിദ്ധമായ തലവൂർ പൂരം നടക്കുന്നതു ഈ ക്ഷേത്രത്തിലാണു്. കുംഭ മാസത്തിലെ പൂരം നാളിലാണു ഈ ഉത്സവം കൊണ്ടാടുന്നത്.

ദേവീക്ഷേത്രസന്നിധിയിൽ കുംഭമാസത്തിൽ നാട്ടുകാർ ഒത്തുകൂടി "കീഴ്പ്പതിവുപോൽ പതിവടിയന്തരങ്ങൾ നടത്തിക്കൊള്ളാം" എന്ന് പ്രതിജ്ഞ ചെയ്തു പിരിയുന്നതോടെയാണ് പൂരത്തിന്റെ ഒരുക്കങ്ങൾ ആരംഭിക്കുക. നാട്ടുപ്രമാണികളുടെ സാന്നിധ്യത്തിൽ തെക്കും വടക്കും ചേരികളുടെ പ്രതിനിധികളായി 12 പേർ വീതം ഇരു വശങ്ങളിലുമായി നിന്ന് കരവിളിച്ച് നടത്തുന്ന ചടങ്ങ് ആർപ്പുവിളികളും ആരവങ്ങളുമായി പിരിയുന്നു. തുടർന്ന് ദേവി തന്റെ പിറന്നാളിന് നാട്ടുകാരെ ക്ഷണിക്കാനെത്തുന്നതാണ് പറയിടീൽ ചടങ്ങ്. ഉത്സവത്തിനും തിരുന്നാളിനും വരുന്ന ചിലവ് വഹിക്കേണ്ടത് തങ്ങളുടെ കടമയാണെന്നാണ് നാട്ടുകാരുടെ വിശ്വാസം. ധാന്യത്തിന്റെയോ സമ്പാദ്യത്തിന്റെയോ ഒരു ഭാഗം അതിനുവേണ്ടി അവർ ദേവിക്ക് സമർപ്പിക്കുന്നു. നാടുകണ്ട്, 20ഓളം ദിവസം നീണ്ടതാണ് പറയിടീൽ ചടങ്ങ്. നാടുകണ്ട് തിരിച്ചെത്തുന്ന ദേവിക്കു മുൻപിൽ അധികം വൈകാതെ ഉത്സവം അരങ്ങേറുന്നു.

പത്തു ദിവസം നീണ്ട ഉത്സവത്തിന്റെ ആദ്യ ഏഴ് ദിവസം സപ്താഹാദികളാണ്. എട്ട്, ഒൻപത്, പത്ത് (മകം, പൂരം, ഉത്രം) ദിവസങ്ങളിലാണ് യഥാർത്ഥ ഉത്സവം അരങ്ങേറുന്നത്. പൂരം ദിവസം വമ്പിച്ച ഘോഷയാത്രയും, വെടിക്കെട്ടും അരങ്ങേറുന്നു. തലവൂർ ദേശത്തിന്റെ പ്രസിദ്ധി വർദ്ധിപ്പിച്ചതിൽ വെടിക്കെട്ടിന് നിർണ്ണായക സ്ഥാനമാണുള്ളത്.

മൈലം, കിടങ്ങയിൽ ക്ഷേത്രങ്ങളുമായുള്ള ബന്ധം--
ഒരു നേർവര വരച്ചാൽ മൂന്ന് ദേവി ക്ഷേത്രങ്ങൾ ഒരേ വരയിൽ. ദാരികനിഗ്രഹം തൃക്കൊന്നമർന്ന് കിടുങ്ങിയ കിടങ്ങയിൽ ക്ഷേത്രവും, തൃക്കൊന്നമർന്ന കേട്ട തൃക്കൊന്നമർക്കോടും തൃക്കൊന്നമർന്ന മൈലം തൃക്കൊന്നമർക്കാവുമാണ് ഈ ക്ഷേത്രങ്ങൾ. തലവൂർ പ്രദേശത്തിന്റെ അടുത്തടുത്ത പ്രദേശങ്ങളായ കുന്നിക്കോട്, മൈലം എന്നിവിടങ്ങളിലാണ് ഈ ക്ഷേത്രങ്ങൾ. പരസ്പരം സഹോദരീഭാവമാണ് ഇവർ തമ്മിലെന്നാണ് പ്രാദേശികരുടെ വിശ്വാസം.

തലവൂർ പൂരം തിരുന്നാൾ ദിവസം രാത്രിയിൽ മൈലം ക്ഷേത്രത്തിലെ അത്താഴപൂജ കഴിഞ്ഞാൽ മേൽശാന്തി ഉടൻ നടയടച്ച് ദേവീസാന്നിദ്ധ്യത്തെ ആവാഹിച്ച് പൂരം കൂടാനായി തലവൂരെത്തുന്നു. രാത്രിയിലെ എഴുന്നെള്ളത്തിന് ദേവീതിടമ്പുമായി മൈലം ദേവിയുടെ സാന്നിദ്ധ്യത്തിൽ ആനപ്പുറത്ത് ഏറുന്നത് അദ്ദേഹമാണ്. തുടർന്ന് മൂലക്ഷേത്രമായ ഭൂതത്താൻ മുകളിലേക്ക് ഭൂതഗണങ്ങളുടെയൊപ്പം ആനയിക്കുന്നു. ഈ സമയം അനുജത്തി ഭാവത്തിൽ കിടങ്ങയിൽ ഭഗവതി തയ്യാറെടുപ്പുകളുമായി അവിടെയുണ്ടാകുമെന്നാണ് വിശ്വാസം. ജേഷ്ഠത്തി ഭാവത്തിൽ നിലകൊള്ളുന്ന തലവൂർ, മൈലം ഭഗവതികൾക്ക് പുറം തിരിഞ്ഞിരിക്കുന്ന വിഷമം കൊണ്ട് കിഴക്കോട്ട് മൂന്ന് തവണ പ്രതിഷ്ഠ നടത്തിയിട്ടും കിടങ്ങയിൽ ദേവി വടക്കോട്ട് ദർശനമായി ഇരുന്നു എന്നാണ് ഐതിഹ്യം.

Plz like Nammude Kshethrangal page
https://www.facebook.com/nammudekshethrangalndd